Tashqi ishlar vazirligi Janubiy Kavkazda tez orada barqaror tinchlik o‘rnatilishiga umid bildirgan.

O‘zbekiston Respublikasi Ozarbayjon Respublikasi va Armaniston Respublikasi o‘rtasidagi tinchlik muzokaralarida erishilgan muhim yutuqni yuksak baholaydi.

Kecha, 9-avgust Vashington shahrida imzolangan tarixiy Qo‘shma deklaratsiya — ikki davlat yetakchilarining mustahkam siyosiy irodasi va qat’iyati, shuningdek, Amerika Qo‘shma Shtatlari Prezidentining faol tinchlikparvar tashabbuslari natijasidir.

Ko‘p yillik mojaroni yakunlash yo‘lidagi barcha tomonlarning sa’y-harakatlari samimiy olqishga loyiqdir. Ishonchimiz komilki, Janubiy Kavkazda tez fursatda barqaror va uzoq muddatli tinchlik o‘rnatilishi butun mintaqa xalqlari manfaatlariga xizmat qiladi hamda yirik transport va infratuzilmaviy loyihalarni amalga oshirish uchun keng imkoniyatlar yaratadi.

• Armaniston
• Bitim
• Ozarbayjon