O‘zbekiston, Qozog‘iston va Ozarbayjon “yashil” energiyani rivojlantirish va uzatish sohasida strategik sheriklik to‘g‘risida bitim imzoladilar. Bu haqda davlat rahbarining matbuot xizmati xabar bermoqda.

Tegishli bitim bugun, 13-noyabr Bokuda davom etayotgan COP29 sammiti doirasida bo‘lib o‘tdi.

Shavkat Mirziyoyev qayta tiklanadigan energiya iqtisodiyot uchun emas, balki kelajakka qo‘shilgan hissa ekanligini alohida ta’kidladi. Uzatiladigan shamol va quyosh energiyasi, qayta tiklanadigan va toza manba bo‘lib, iqlimga ta’sirini kamaytiradi.

Shunday qilib, tomonlar Parij kelishuvi va barqaror rivojlanish maqsadlari doirasida iqlimni muhofaza qilish bo‘yicha hamkorlikdagi sa’y-harakatlarni qo‘llab-quvvatlamoqda, deyiladi xabarda.

Loyihani amalga oshirish jarayonida o‘n minglab ish o‘rinlari yaratiladi, energetika infratuzilmasi yangi rivojlanish bosqichiga chiqadi, texnologik va ishbilarmonlik aloqalari ham kengayadi.

Marosim yakunida loyihani amalga oshirishni tezlashtirish, shu jumladan qo‘shma korxona tashkil etish, texnik hujjatlarni ishlab chiqish va kelishish muhimligi aytib o‘tildi.

• Bitim
• Ozarbayjon
• Qozog‘iston