Qirg‘izistonning Jogoru Kengesh majlisida deputat Balbak Tulobayev Issiqko‘l ko‘li har yili qurib borayotganini aytib, Vazirlar Mahkamasi rahbaridan ushbu muammoni hal qilish bo‘yicha ko‘rilayotgan chora-tadbirlar haqida so‘radi. Oqilbek Japarov mutaxassislar milliy dasturni ishlab chiqayotganini aytdi.

“Issiqko‘lga Karkiradan suv kelmaydi, Kochkor daryosi ham oldin ko‘lga quyilardi. Suv manbalaridan fermerlar foydalanadi. Konferensiyada biz Issiqko‘lni saqlash bo‘yicha o‘z qarashlarimizni aytib beramiz. Biz u yerga butun dunyodan olimlarni taklif qilamiz. Biz quruq Orol dengizining taqdirini takrorlamasligimiz kerak” – deydi Oqilbek Japarov.

Shuningdek, Issiqko‘lni saqlab qolish uchun Qirg‘iziston qo‘shni davlatlarga kamroq suv berishi mumkin. Oqilbek Japarov Qozog‘iston va O‘zbekiston bilan bu borada tushuntirish ishlari olib borilayotganini ma’lum qildi.

• Issiq-ko‘l
• O‘zbekiston
• Qirg‘iziston
• Qozog‘iston