O‘zbekistonda Bayraktar dronlari bilan butlangan yangi maxsus bo‘linmaning jangovar navbatchiligi yo‘lga qo‘yildi. Bu haqda Davlat xavfsizlik xizmati raisi Bahodir Qurbonov prezident huzuridagi Xavfsizlik kengashining 13-yanvar kuni o‘tkazilgan kengaytirilgan yig‘ilishidagi axborotida ma’lum qildi.

Bahodir Qurbonov, shuningdek, davlat chegarasini qo‘riqlash va himoya qilish tizimiga zamonaviy raqamli vositalarni joriy etish jarayonida davlat chegaralarining 42 foizi videokuzatuv tizimi bilan jihozlangani, 1117 kilometr optik tolali aloqa liniyalari yotqizilganini ma’lum qildi.

DXX raisining so‘zlariga ko‘ra, Chegara qo‘shinlari 98 foizga avtozirhli texnika, 88 foizga suzish vositalari, 100 foizga qurol-yarog‘ va o‘q-dorilar, 78 foizga elektron-optik vositalar bilan ta’minlangan. Bo‘linmalar zamonaviy uchuvchisiz uchish apparatlari bilan ta’minlangan.

Shuningdek, jangovar tayyorgarlik tadbirlarining shiddati va sifat ko‘rsatkichlari oshirilgan.

• Chegara
• O‘zbekiston
• dron