Shimoliy Koreya yetakchisi Kim Chen In bilan uchrashuvda Rossiya prezidenti Vladimir Putin KXDRni birinchi bo‘lib SSSR tan olganini ta’kidladi. U KXDRning Koreya urushidagi g‘alabasining 70 yilligini muhim sana deb atadi va SSSR o‘z vaqtida Shimoliy Koreyaga katta yordam berganini alohida eslab o‘tdi.

Bunga javoban, Kim Chen In “KXDR imperializmga qarshi kurashda doim Rossiya bilan birga bo‘ladi”, dedi. Shuningdek, KXDR yetakchisi Rossiya endi o'z davlat suverenitetini himoya qilish va xavfsizligini taminlash uchun harakat qilayotganini aytib, bu borada Rossiyaning yonida bo‘lishini ta’kidladi.

“Rossiya bilan munosabatlar KXDR uchun birinchi oʻrinda turadi. Biz Rossiya Federatsiyasi bilan munosabatlarni yanada rivojlantirishni istaymiz, biz har doim Putin va Rossiya hukumatini qo‘llab-quvvatlab kelganmiz”, – dedi u.

• Kim Chen In
• Putin
• Rossiya
• SSSR