Vladimir Putin Saudiya Arabistoni valiahd shahzodasi va Vazirlar kengashi raisi Muhammad bin Salmon Ol Saud bilan muzokaralar o‘tkazish uchun chorshanba kuni rasmiy tashrif bilan Saudiya Arabistoniga bordi.

Aynan shu tashrif chog‘ida Putin va valiahd shahzodaning iliq kayfiyatda qo‘l berib salomlashgani ko‘pgina Yevropa nashrlarining e’tiboriga tushdi. Negaki, ushbu tashrifdan bir kun avval Vladimir Putin Kremlda Yevropaning bir qancha yuqori martabali diplomatlariga ishonch yorliqlarini topshirgan edi. Biroq Putin rasmiy marosimdan soʻng, Moskvadagi xorijiy diplomatlar bilan muloqot qilishdan bosh tortgan. Bu elchilar orasida Buyuk Britaniyaning Moskvadagi elchisi ham bo‘lgan.

Uchrashuvning rad etilishiga sanitariya meʼyorlari va COVID tarqalishi xavfi sabab qilib ko‘rsatilgan.
Shu sababli Britaniyaning Daily Mail gazetasi Rossiya prezidentining Yaqin Sharqqa tashrifi chog‘ida mezbonlar bilan iliq qo‘l berib ko‘rishganini kinoyaga oldi.

• BAA
• Putin
• Rossiya