Qashqadaryoda internetda tanishgan kishisining plastik kartasidan katta miqdordagi pullarni firibgarlik to’li bilan qo’lga kiritgan shaxs aniqlandi. BU haqda viloyat IIB matbuot xizmati xabar berdi.

Qayd etilishicha, Dehqonobod tumani Istiqlol MFYda yashovchi N.YU ariza bilan murojaat qilib, ijtimoiy tarmogʻi orqali tanishgan shaxs uning telefon raqamini va boshqa maʼlumotlarini olib, unga tegishli boʻlgan boʻlgan plastik kartasidan boʻlib-boʻlib, jami 19.834.500 soʻm pullarini qoʻlga kiritganligini bildirib, nomaʼlum shaxsga nisbatan qonuniy chora koʻrishni soʻragan.

Holat yuzasidan Dehqonobod tuman IIB xodimlari tomonidan olib borilgan tezkor qidiruv tadbirlari davomida mazkur jinoyatni Andijon viloyati Andijon shahar “Boʻston” MFYda yashovchi A.A. sodir qilganligi aniqlanib, undan ashyoviy-dalillar tegishli tartibda hujjatlashtirib olingan.

Mazkur holat yuzasidan Dehqonobod tuman IIB huzuridagi Tergov guruhi tomonidan jinoyat ishi qoʻzgʻatilib, tergov harakatlari olib borilmoqda. 

• Plastik karta
• Qashqadaryo