31°
Kechasi 18°
Ijtimoiy himoya milliy agentligi Toshkent shahridagi do‘konlardan birida onasi tomonidan kaltaklangan qiz holati bo‘yicha rasmiy munosabati bildirdi.
Ma’lum bo‘lishicha, 22-noyabr kuni ijtimoiy tarmoqlarda Toshkent viloyati, Nurafshon shahrida ro‘yxatda turuvchi muqaddam sudlangan fuqaro V.A. Mirzo Ulug‘bek tumanida joylashgan gul do‘konlaridan biriga voyaga yetmagan farzandi V.I kirib gul so‘ragan vaqtida mast holatda qizini orqasidan kirib, haqoratlab, uni urishib, do‘kondan olib chiqayotganligi aks etgan video material tarqaldi.
Ijtimoiy himoya milliy agentligi tomonidan holat yuzasidan tegishli o‘rganishlar olib borish maqsadida shu kunning o‘zidayoq ishchi guruh tuzildi.
O‘rganishlar davomida V.A. turmush o‘rtog‘i bilan birga yashamasligi, doimiy ravishda spirtli ichimlik iste’mol qilishi, doimiy ish joyiga ega bo‘lmaganligi sababli ko‘p qavatli uylardagi xonadonlarning egalari bilan kelishib, uy yo‘laklarini tozalab kunlik daromad topishi aniqlangan.
Hozirgi kunda fuqaro V.A Toshkent shahar ayollarni reabilitatsiya va moslashtirish markaziga joylashtirilgani ma’lum qilindi. Voyaga yetmagan V.I Toshkent shahar Voyaga yetmaganlarga ijtimoiy-huquqiy yordam ko‘rsatish markaziga joylashtirilib, psixolog va pedagoglar tomonidan uning ruhiy holatini yaxshilash yuzasidan ishlar amalga oshirila boshlangan.
Agentlikning qo‘shimcha qilishicha, ona va bolaga yordam ko‘rsatish maqsadida "Inson" ijtimoiy xizmatlar markazlarining mas’ul xodimlari biriktirilib, mazkur holatning kelib chiqishi va uni bartaraf etish yuzasidan kompleks o‘rganishlar davom ettirilmoqda.
Oldinroq mazkur holat Bolalar Ombudsmani tomonidan nazoratga olingani va Ona V.A.ning harakatlariga baho berish yuzasidan tuman IIB tomonidan surishtiruv ishlari olib borilayotganini ma’lum qilgandik.
Shunindek, qizcha Toshkent shahar voyaga yetmaganlarga ijtimoiy-huquqiy himoya ko‘rsatish markaziga joylashtirilib, onasini ota-onalik huquqidan mahrum qilish masalasi ko‘rib chiqilayotgani haqida xabar bergan edik.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
