16-oktyabr kuni Qozog‘istonning Mang‘istau oblastida sodir bo‘lgan ayanchli YTH oqibatida O‘zbekistonning olti nafar fuqarosi halok bo‘ldi, yana to‘rt nafari shifoxonaga yotqizildi. Bu haqda mahalliy politsiya xabar berdi.
Unga ko‘ra, Jac rusumli yengil avtomobil chegaradagi o‘tish joyida, yo‘l chetida to‘xtab turgan MAN yuk mashinasiga kelib urilgan.
“Mashinada jami 10 kishi bo‘lgan. Ulardan to‘rt nafari Beyneu rayonidagi markaziy shifoxonaga yotqizilgan. Jabrlanganlarning ahvoli o‘rtacha og‘irlikda. Bemorlarga kerakli muolajalar to‘liq hajmda ko‘rsatilmoqda. Hodisa oqibatida 6 kishi halok bo‘ldi”, — deya xabar bergan Mang‘istau oblasti ichki ishlar boshqarmasi.
YTH qatnashchilari bo‘lgan avtomobillar O‘zbekistonda ro‘yxatga olingan hamda halok bo‘lganlarning barchasi O‘zbekiston fuqarolari ekani aniqlangan. Ular Rossiya Federatsiyasidan O‘zbekistonga qaytayotgan bo‘lgan.
Holat yuzasidan tergovga qadar tergov harakatlari olib borilmoqda. Shuningdek, O‘zbekistonning Aqtau shahridagi Bosh konsulligiga xabar berilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!