Yevropa Ittifoqi va AQShning Rossiyaga qarshi sanksiyalar masalasida Markaziy Osiyo davlatlariga bosimi mintaqadagi loyihalarni amalga oshirishni xavf ostiga qo‘yadi. Bu haqda Rossiya TIV iqtisodiy hamkorlik departamenti direktori Dmitriy Birichevskiy ma’lum qildi.
Darhaqiqat so‘nggi paytlarda AQSh va Yevropa Ittifoqi Markaziy Osiyo mintaqasidagi mustaqil do‘st davlatlarga tez sur’atlar bilan bosimni kuchaytirib, ularni Rossiyaga qarshi sanksiyalarga qo‘shilishga va mamlakatimiz bilan savdo-iqtisodiy hamkorlikni cheklashga majbur qilmoqda. Vashington va Bryussel "Rossiyaga qarshi" cheklovlar marafonining joriy bosqichidagi bu vazifalarni ustuvor sifatida qilib qo‘ymoqda, – dedi u.
AQSh va uning satellitlarining bunday harakatlari davlatlarimizning ikki tomonlama munosabatlariga qo‘pol aralashuv bo‘lib, aslida mustaqil tashqi siyosat va tashqi iqtisodiy yo‘nalish qurish erkin huquqini buzadi, Markaziy Osiyo mintaqasida o‘zaro manfaatli loyihalarni amalga oshirishga xavf tug‘diradi, – dedi Birichevskiy.
Avvalroq, Qirg‘iziston Rossiyaga sanksiyalarni chetlab o‘tishda yordamlashayotganligi aytilib, Gʻarb tomonidan ogohlantirilgandi. Bunga javoban esa Qirg‘iziston prezidenti Sadir Japarov “Bishkek Rossiyaga sanksiyalarni chetlab o‘tishda yordam beryapti”, deyishga hech qanday asos yo‘qligini ma’lum qildi.
Yevropa Kengashi rahbari Sharl Mishel Yevropa Ittifoqi Markaziy Osiyo davlatlari bilan Rossiyaga qarshi sanksiyalarga rioya qilish masalasida muloqotga kirishmoqchi ekanligini, biroq ularni chetlab o‘tishga yordam berganlarga nisbatan chora ko‘rish niyatida ekanini aytgandi. Yevropa Kengashi rahbarining so‘zlariga ko‘ra, sanksiyalar Rossiyaga yordam ko‘rsatayotganlarga qarshi qaratilgan bo‘lib, Yevropa Ittifoqi buni Rossiya mudofaa sektoriga yordam sifatida ko‘rishi mumkin. Biroq u YeI bu masala bo‘yicha muloqotni afzal ko‘rishini va ekstraterritorial choralarni qo‘llamoqchi emasligini tasdiqladi.
2022-yil boshidan beri YeI Rossiyaga qarshi o‘nta sanksiya paketini tasdiqladi va hozirda yangi cheklovchi choralarni tayyorlamoqda.
RF Gʻarb bir necha yil oldin Rossiyaga ko‘rsata boshlagan va kuchayishda davom etayotgan sanksiyalar bosimiga dosh berishini bir necha bor ta’kidlagan. Moskva Gʻarbda Rossiyaga qarshi sanksiyalar muvaffaqiyatsizlikka uchraganini tan olishga jasorat yetishmayotganini ta’kidladi. Gʻarb davlatlarining o‘zida ham Rossiyaga qarshi sanksiyalar samarasiz ekani haqidagi fikrlar bir necha bor bildirilgan. Rossiya prezidenti Vladimir Putin avvalroq Rossiyani jilovlash va zaiflashtirish siyosati Gʻarbning uzoq muddatli strategiyasi ekanligini va sanksiyalar butun jahon iqtisodiyotiga jiddiy zarba berganini aytgan edi. Uning so‘zlariga ko‘ra, Gʻarbning asosiy maqsadi millionlab odamlar hayotini yomonlashtirishdir.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!