Rossiya Saudiya Arabistonining Erondagi yadro quroli haqidagi bayonotini haqiqat bayonoti deb biladi. Lekin dunyoda hech kim yadroviy davlatlarni xohlamaydi. Bu haqda Rossiya Tashqi ishlar vaziri Sergey Lavrov ma’lum qildi.

Avvalroq Saudiya Arabistoni valiahd shahzodasi Muhammad bin Salmon Fox News telekanaliga bergan intervyusida, agar Eronda yadroviy qurol paydo bo‘ladigan bo‘lsa, qirollik o‘z xavfsizligi va mintaqadagi kuchlar muvozanatini saqlab qolish uchun bunday qurollarni jamg‘arishga majbur bo‘lishini aytgan edi.

“Men bunday bayonotni haqiqat bayonoti deb hisoblayman. Hech kim bu sayyorada yangi yadroviy davlatlar paydo bo'lishini xohlamaydi. Eron Islom Respublikasi bunday niyati yo‘qligini bir necha bor tasdiqlagan. Hatto, ma'naviyat rahbari ham shunday bayonot berdi. Natijada Saudiya Arabistonida ham, ularning qo‘shnisi Eronda ham bomba bo‘lmaydi, deb aytishimiz mumkin”, – dedi Lavrov BMT Bosh Assambleyasi oliy sessiyasi yakunlariga bag‘ishlangan brifingda.

• Eron
• Lavrov
• Rossiya
• Saudiya Arabistoni
• Yadroviy qurol