Rossiya federal xavfsizlik xizmati jamoatchilik bilan aloqalar markazi siyosatshunos Aleksandr Duginning qizi, jurnalist Darya Duginaning o‘ldirilishi fosh etilganini ma’lum qildi. Xizmat bunga Ukraina maxsus xizmatlari aralashgan, deb hisoblamoqda. Kiyev esa buni rad etmoqda. Qotillik sodir bo‘lganiga ikki kun o‘tdi.
FXX qotillikda 23-iyul kuni Rossiyaga 12 yoshli qizi bilan kelgan 1979-yilda tug‘ilgan Ukraina fuqarosi Natalya Vovkni gumon qilmoqda.
Xabar qilinishicha, Vovk Moskvada Dugina yashagan uy yonidagi kvartirani ijaraga olgan va u vafot etgan kuni mamlakatni tark etgan.
Xavfsizlik xizmati ma’lumotlariga ko‘ra, Dugina boshqarib ketayotgan “Toyota Land Cruiser” avtomobilini raqamlari uch marta o‘zgartirilgan “Mini Cooper”da kuzatib borayotgan Vovk masofadan boshqariladigan qurilma yordamida uni portlatib yuborgan, so‘ng qizi bilan birga Pskov orqali Estoniyaga jo‘nab ketgan.
FSB qotillik fosh qilinganini e’lon qilganidan ko‘p o‘tmay, Aleksandr Duginning o‘zi voqeaga izoh berdi.
Bundan tashqari, Kreml matbuot xizmati Rossiya prezidenti Vladimir Putin Duginga hamdardlik telegrammasi yo‘llaganini ma’lum qildi. Mamlakat rahbari vafotidan so‘ng Duginani “Jasorat” ordeni bilan taqdirlagani ma’lum bo‘ldi.
Avvalroq, Moskva yaqinidagi shosseda avtomobil portlashi natijasida uning boshqaruvida bo‘lgan jurnalist Darya Dugina. Guvohlarning so‘zlariga ko‘ra, uning otasi, siyosatshunos Aleksandr Dugin ham mashinada bo‘lishi kerak edi, biroq oxirgi lahzada u boshqa mashinaga o‘tgan.
Hodisa 20-avgust kuni kechqurun Mojayskoye shossesida, Moskva halqa yo‘lidan 25 kilometr uzoqlikdagi “Bolshiye Vyazemi” qishlog‘i yaqinida sodir bo‘lgan.
Turli jamoat arboblari va ijtimoiy tarmoq foydalanuvchilari voqeadan so‘ng darhol Aleksandr Duginning o‘zi suiqasd nishoni bo‘lishi mumkinligini taxmin qilishdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!