“Rossiyaning Ural federal okrugida joylashgan Xorijiy fuqarolarni vaqtincha saqlash muassasalarida saqlanayotgan vatandosh ayollar va bolalarni O‘zbekistonga qaytarish bo‘yicha amaliy ishlar amalga oshirilyapti”, – deb xabar qilyapti “Dunyo” axborot agentligi.

O‘zbekiston Bosh konsulxonaga Namangan viloyatida tug‘ilgan R.F. o‘zi va ikki nafar voyaga yetmagan farzandlarini Vatanga qaytarishda amaliy yordam so‘rab murojaat qilgan.

R.F. bilan o‘tkazilgan suhbat davomida uning haqiqatdan ham farzandlari bilan og‘ir ahvolda qolgani, ayrim hujjatlari yo‘qligi ma’lum bo‘lgan. Bosh konsulxona sa’y-harakatlari bilan uning hujjatlari rasmiylashtirib, “Yekaterinburg–Namangan” yo‘nalishidagi samolyotga chipta sotib olingan.

R.F. 25-avgust kuni Bosh konsulxona xodimlari tomonidan Namanganga kuzatib qo‘yilgan.

• Konsullik
• Moddiy yordam
• Rossiya
• chipta
• fuqaro