2025-yil 2–11-oktyabr kunlari Norvegiyaning Forde shahri og‘ir atletika bo‘yicha kattalar o‘rtasidagi Jahon chempionatiga mezbonlik qiladi. Ushbu nufuzli musobaqada dunyoning turli davlatlaridan kelgan 800 dan ortiq atlet g‘oliblik uchun bahs olib boradi. 100 dan ziyod mamlakat vakillari ishtirok etadigan bu chempionat og‘ir atletika bo‘yicha yilning eng muhim musobaqalaridan biri sanaladi.

O‘zbekiston terma jamoasi tarkibida tajribali va yirik musobaqalarda ko‘plab g‘alabalarga erishgan sportchilar ham ishtirok etadi. Xususan, Olimpiya o‘yinlari chempionlari — Akbar Jo‘rayev va Ruslan Nurudinov musobaqada ishtirok etadigan asosiy nomzodlardan hisoblanadi. Ular har ikkisi ham 110 kg vazn toifasida bellashadi.

Mazkur vazn toifasidagi bahslar 10-oktyabr kuni bo‘lib o‘tadi. O‘zbekiston vaqti bilan sportchilarimizning chiqishi soat 22:30 ga belgilangan. Ulardan chempionat davomida yuqori natijalar kutilyapti, ayniqsa, ushbu ikki kuchli sportchining bitta vaznda bahsga tushishi muxlislar uchun alohida qiziqish uyg‘otmoqda.

• Norvegiya
• musobaqa