Ijtimoiy tarmoqlarda Samarqand viloyati Qo‘shrabot tumani prokuraturasi binosida sodir bo‘lgan ona va uning jiyani hamda IIB xodimlari o‘rtasida kelib chiqqan kuch ishlatish aks etgan videotasvir tarqalmoqda.

Xaabrdor.uz‘ning aniqlashicha, fuqaro J.Sh (ayol) 2021-yil 16-iyul kuni soat 17:00 larda Qo‘shrabot tuman prokuraturasiga akasiga nisbatan bo‘lgan jinoyat ishi yuzasidan jiyani F.Sh bilan birgalikda kirib borgan. Binoda tergovchining xonasi oldida shovqin ko‘targani uchun tuman prokuraturasi tergovchisi A.H. IIB profilaktika inspektori F.R, A.B va M.Shlarni tartibni saqlash uchun chaqiradi.

Ikki ayol ham o‘z navbatida ularga bo‘ysinmasdan, faol qarshilik qiladi va IIB xodimlarining kuch ishlatishi bilan binodan olib chiqib ketiladi.

Eng qizig‘i, yuqorida nomlari keltirilgan 3 nafar erkak (IIB xodimlari) ayolni ularning qonuniy talablariga bo‘ysunmaslik, haqorat qilish, tan jarohati yetkazish, avtomobiliga shkast yetkazish va F.R.ning xizmat kiyimidagi pagonini yulib olish kabi huquqbuzarliklarda ayblab, Ishtixon tuman sudiga shikoyat qilishgan.

Ishtixon tuman sudi esa 2022-yil 4-martdagi hukmiga asosan, Sh.J.ni Jinoyat kodeksining 140-moddasi 3-qismi “a” bandi va 219-moddasi 1-qismi bilan aybdor deb topib, unga nisbatan uzil-kesil 1 yil 6 oy muddatga ozodlikni cheklash jazosini tayinlaydi.

Ayol esa chiqarilgan hukmdan norozi bo‘lib, Ishtixon tumani sudining hukmi ustidan Samarqand viloyat sudi jinoyat ishlari bo‘yicha sudlov hayʼatiga apellyatsiya tartibida shikoyat kiritadi va ish sud tomonidan joriy yilning 14 aprel kuni ko‘rib chiqiladi.

Samarqand viloyat sudi jinoyat ishlari bo‘yicha sudlov hayʼati keltirilgan dalillarni chuqqur o‘rganmay turib, Ishtixon tumani sudining hukmini “qonuniy, asosli va adolatli” deb topadi va birinchi instansiyadagi hukmni o‘zgarishsiz qoldiradi.

Fuqaro Sh.J. ning bir nafar 3 yoshga to‘lmagan farzandi bor. Muqaddam sudlanmagan, uy bekasi.

• IIB
• Jinoyat
• Samarqand
• Sud