Joriy yilning Samarqand 28-sentabr kuni viloyatining Nurobod tumanida mudhish avtohalokat sodir bo‘ldi. Bu haqda viloyat IIB axborot xizmati xabar berdi.

Qayd etilishicha, avtohalokat tungi soat 22:30 da Nurobod tumani hududidan o‘tuvchi A-378 avtomobil yo‘lining 40-kilometrida yuz bergan. “Nexia” avtomashina haydovchisi tezlikni me’yordan oshirib harakatlanishi natijasida o‘zi bilan bir yo‘nalishda ketayotgan “Damas” rusumli transport vositasining orqa qismiga borib urilgan. Shundan so‘ng, “Damas” yo‘lning o‘ng tarafiga ag‘darilib ketgan.

Hodisa oqibatida “Damas” ichida bo‘lgan 1 nafar yo‘lovchi tan jarohatlari olishi natijasida vafot etgan.

Mazkur holat yuzasidan Jinoyat kodeksining tegishli moddasi bilan jinoyat ishi qo‘zg‘atilib, dastlabki tergov harakatlari olib borilmoqda.

Avvalroq, “Ummon” guruhi xonandasi Zohid Risqiyev boshqaruvidagi avtomobil YTHga uchragani xabar qilingan edi.

• Avtohalokat
• Avtomobil
• IIB
• Samir Raxmonov