Shaffoflik va moliyaviy barqarorlik: suv sohasidagi iqtisodiy va institutsional burilish

Korxonalar o‘zini-o‘zi moliyalashtirmasa va tizimda shaffoflik bo‘lmasa, har qanday sohaning rivojlanishi qiyinlashadi. Prezidentning yangi Farmoni suv xo‘jaligini sog‘lomlashtirish va bozor iqtisodiyoti qoidalariga o‘tkazishning shaffof mexanizmlarini belgilaydi.

Sitata Davlat va biznes munosabatlari hamda tarif siyosatida yangi tartiblar o‘rnatilmoqda:

- ​Vakolat alohida komissiyaga o‘tadi: 2027-yildan tariflarni tasdiqlash vakolati Vazirlar Mahkamasi huzuridagi Idoralararo tarif komissiyasiga o‘tkaziladi.

- ​Yagona va bir xil tariflar: Magistral suv ta’minoti uchun yagona ulgurji tarif va byudjet tashkilotlari uchun respublika bo‘yicha bir xil tariflar joriy etiladi.

- ​«Ichimlik suvi — 2030» strategiyasi: Iqlim o‘zgarishlariga bardoshli infratuzilma yaratish va tizimni transformatsiya qilishni nazarda tutuvchi 2030-yilgacha mo‘ljallangan Strategiya qabul qilinadi.

- ​Karzdorlik va hisob-kitobda raqamli integratsiya: Hisoblagichi yo‘q iste’molchilar bilan hisob-kitoblar Kadastr, FHDYO va IIVning elektron arxiv ma’lumotlari asosida avtomatik amalga oshiriladi.

Bu choralar sohani korrupsiyadan xoli, investorlar uchun jozibador va byudjetga qaram bo‘lmagan shaffof tizimga aylantirishning mustahkam poydevoridir.