31°
Kechasi 18°
Yaponiyada 7,1 magnitudali zilzila yuz berdi, sunami xavfi e’lon qilindi
Bugun, 28-iyul kuni Yaponiyaning janubidagi Kumamoto prefekturasida 7,1 magnitudali zilzila sodir bo‘ldi. Shundan so‘ng Kyusyu orolining bir qator hududlarida sunami xavfi va favqulodda ogohlantirish e’lon qilindi.
Yaponiya Meteorologiya agentligi ma’lumotiga ko‘ra, zilziladan keyin balandligi 1 metrgacha bo‘lishi mumkin bo‘lgan sunami to‘lqinlari yuzaga kelishi ehtimoli sabab aholi ogohlantirilgan.
Favqulodda ogohlantirish Kumamoto, Nagasaki, Kagosima, Fukuoka, Saga, Oita va Miyazaki prefekturalarini qamrab oldi.
Shuningdek, Kyushu Electric Power kompaniyasi Sendai va Genkai atom elektr stansiyalarida hech qanday nosozlik aniqlanmaganini ma’lum qildi.
JR Kyushu esa xavfsizlik nuqtayi nazaridan poyezdlar, jumladan yuqori tezlikdagi “Shinkansen” qatnovlarini vaqtincha to‘xtatganini bildirdi.
Ma’lumot uchun, Yaponiya Tinch okeanidagi “Olov halqasi” hududida joylashgan bo‘lib, dunyoda sodir bo‘ladigan 6,0 va undan yuqori magnitudali zilzilalarning qariyb 20 foizi aynan shu mamlakat hissasiga to‘g‘ri keladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
