Shimoliy Koreya yetakchisi Kim Chen Inning singlisi Kim Yo Chjon AQSh va Janubiy Koreyaning Shimoliy Koreya sinovlari vaqtida Pxenyanning Tinch okeani ustidagi raketalarini tutib olishga urinishlari urushga teng bo‘lishini aytdi. Bu haqda uning Koreya markaziy axborot agentligi (KCNA) tomonidan chop etilgan bayonotida aytiladi.

“Agar strategik qurollarni ochiq dengizda va AQSh yurisdiktsiyasiga kirmaydigan mintaqada, atrofdagi davlatlar xavfsizligiga hech qanday zarar yetkazmasdan, sinovdan o‘tkazishimiz ortidan harbiy reaktsiya kuzatilsa, ya’ni raketalar tutib olinsa, bu KXDRga ochiq-oydin urush e’lon qilish bo‘ladi”, — deyiladi nashrda.

Kimning soʻzlariga koʻra, “namoyishli harbiy harakatlar” va Vashington hamda Seulning pozitsiyasi Pxenyandan “ajralmas reaktsiya”ni talab qiladi. “Biz AQSh qurolli kuchlari va Janubiy Koreya qoʻgʻirchoq harbiy kuchlarining notinch harbiy harakatlarini kuzatmoqdamiz va har doim tegishli, tezkor va bostiruvchi choralar koʻrishga tayyormiz”, dedi u.

• AQSh
• KXDR
• Shimoliy Koreya