Amerikalik aktyor Silvestr Stallone “Rokki” filmi prodyuseri Irvin Uinklerga qarshi chiqdi va uni kartina franshizasidan o‘zining muhim moliyaviy ulushini ushlab qolganlikda aybladi. U o‘zining “Instagram” sahifasida ushbu masalaga tegishli postni joylashtirdi.

76 yoshli Stallone o‘zining ijtimoiy tarmoqdagi sahifasida Uinklerning tili o‘tkir ilon qiyofasidagi portretini joylashtirdi. Suratga rejissyorni tanqid qiluvchi izoh qo‘shilgan.

“Irvin “Rokki”ni 47 yildan ortiq vaqtdan beri boshqarib kelmoqda va hozir “Krid” va men hech bo‘lmaganda haqli ravishda o‘zimga tegishli bo‘lgan narsaga ega bo‘lishni xohlayman. Oldin bularning barchasi uning bolalariga nasib qilgan edi. O‘ylaymanki, bu 93 yoshli janobning adolatli qarori bo‘lardi”, – deb yozgan 76 yoshli aktyor.

Stallone, shuningdek, bu uning uchun og‘riqli voqea ekanligini va u “o‘z farzandlari uchun Rokkidan nimadir qoldirishni” xohlayotganini tan oldi.

Stallone sportchi haqidagi oltita asl filmning barchasida bokschi Rokki Balboa rolini o‘ynagan, ulardan beshtasiga o‘zi ssenariy yozgan va rejissyorlik qilgan. So‘nggi yillarda aktyor o‘zi ishlagan mashhur film franchayzalarida mualliflik huquqi yo‘qligi haqida gapirdi.

Birinchi “Rokki” filmi 1976 yilda premyera qilindi. Byudjeti 1,1 million dollar bo‘lgan ushbu drama AQSH prokatidagi eng yuqori daromad keltirgan kartinaga aylandi va butun dunyo bo‘ylab 225 million dollar ishlab topdi.

• Rokki
• Silvestr Stallone
• gollivud