Sogʻlom ovqatlanish tushunchasi zamonamiz odamlarining hayotiga tobora chuqurroq kirib bormoqda. Bunga odamlarning salomatlikka koʻproq eʼtibor qarata boshlaganlari sabab boʻlyapti, bizningcha. Quyida sogʻlom ovqatlanish haqidagi qiziqarli faktlarni siz bilan boʻlishamiz.

1. Sogʻlom ovqatlanish tartibiga amal qilish mazali taomlardan voz kechish kerakligini anglatmaydi.

Sogʻlom ovqatlanish deganda koʻz oldingizga qaynatilgan grechka, kartoshka pyuresi va ishtahaochar koʻrinishdan asar ham boʻlmagan parhezbop taom keladimi? Aslida, bunday tasavvur faqat sizda emas, juda koʻpchilikda shakllanib ulgurgan.

Hozirda sogʻlom ovqatlanish tartibiga amal qila turib ham tabiiy mahsulotlardan mazali taomlar tayyorlashga imkon beruvchi retseptlar juda koʻp. Doʻkonlarning ayrimlarida tarkibiga un va shakar qoʻshilmagan shirinliklar sotilishiga nima deysiz? Bundan tashqari, foydali taomlarni tayyor holatga sizga yetkazuvchi maxsus xizmatlar ham paydo boʻlgan.

2. Biz ovqat haqida kuniga 100 martadan koʻproq oʻylaymiz.

Kun davomida nima tanovul qilish, qanday taom tayyorlash, mahsulotlarni qayerdan sotib olish yoki biror joyga borib ovqatlanish haqida 100 martadan koʻp oʻylashimizni bilarmidingiz? Sogʻlom ovqatlanishga amal qilsangiz, miyani ortiqcha yuklamadan xalos qilgan boʻlasiz. Boisi, har kuni qanday yeguliklarni tanovul qilishingiz kerakligini oldindan bilib turasiz.

3. Soat 18:00 dan keyin ham tamaddi qilish mumkin.

Ortiqcha vazndan xalos boʻlish orzusida soat 18:00 dan keyin oʻzingizni ochlikka mahkum qilishingiz shart emas. Parhezshunoslar uyquga yotishdan oldingi 2 soat ichida ovqatlanish mumkin emasligini aytishadi. Ana shu 2 soat mobaynida oshqozon yegulikni hazm qiladi va uhlayotgan vaqtingizda toʻlaqonli ravishda dam oladi.

4. Pomidorni muzlatgichda saqlasa uning taʼmi oʻzgardi.

Agar pomidorni 12 °S dan past haroratda saqlasangiz, undagi maza va hid uchun javob beruvchi moddalarni ishlab chiqarish xususiyati yoʻqoladi. Shuning uchun ham ushbu mahsulotni xona haroratida saqlash tavsiya etiladi.

5. Tuxum sarigʻi oqiga nisbatan foydaliroq.

Tuxum sarigʻi tarkibida odam organizmi uchun kerakli vitaminlar, mineral va mikroelementlar mavjud. Sogʻlom ovqatlanishda tuxumning oqi bilan birga uning sarigʻi ham yeyish kerak. Bitta tuxum sarigʻi tarkibida 300 mikrogramm xolin moddasi saqlanadi, ushbu ozuqaviy modda miya, asab va yurak-qontomir tizimi faoliyatini ragʻbatlantiradi.

• Foydali
• qiziqarli
• salomatlik