Varikoz kasalligi bu oyoqlar vena tomirlarining kengayishi bo‘lib, kechga borib oyoq shishishi yoki og‘irlik sezilishi bilan kuzatiladi. Varikoz oyoqda yuzaki, chuqur va ikkala venani birlashtirib turadigan venalarga bo‘linadi.

Venalardagi qon harakati uning venalar klapani, yonidagi arteriya tomir pulsatsiyasi, mushaklar qisqarishi, diafragmaning so‘rish xususiyati, ko‘krak qafasi va yurak o‘ng bo‘lmachasining so‘rib olish xususiyati asosida amalga oshadi. Shu xususiyatlarning muvozanati buzilsa, varikoz kasalligi kelib chiqadi. Buni aniqlash uchun tekshiruvdan o‘tish zarur.

Varikoz birlamchi, ya’ni yuzaki tomir kengayishi va ikkilamchi — chuqur venalar o‘tkazuvchanligining buzilishi natijasida kelib chiqadi. Bunday holatda davolash ishi aniq tashxis qo‘yilgachgina amalga oshiriladi. Chunki varikozning ikki holatida davolash usuli bir-biridan farq qiladi.

Shomurod Mehmonov, tibbiyot fanlari nomzodi, dotsent

• Shifokor
• salomatlik
• varikoz