Suriyadagi voqealar boshqa arab davlatlarida ham tartibsizliklar keltirib chiqarishi mumkin.

“Misr, Iordaniya, Saudiya Arabistoni va BAA hukumatlari Bashar Asadning ag‘darilishi ortidan o‘z mamlakatlarida yuzaga kelishi mumkin bo‘lgan tartibsizliklardan xavotirda”, – deb yozmoqda The Washington Post.

Nashrning yozishicha, bunday qo‘rquv ayniqsa Misrda juda yuqori. Avvalroq, prezident Abdulfattoh Sisi “Ihvonul Muslimin” harakatiga qarshi katta miqyosdagi tazyiqlar o‘tkazib, uni zaiflashtirishga harakat qilgan edi. Ammo mintaqa aholisining bir qismi hali ham bu tashkilotga “yashirin xayrixohlik” bildirishda davom etmoqda.

The Washington Post manbalari shuningdek, Suriyaning kelajagi uchun xavotir bildirib, mamlakat “xaosga g‘arq bo‘lishi” mumkinligi haqida fikr bildirgan.

• BAA
• Iordaniya
• Misr
• Saudiya Arabistoni
• Suriya
• Tartibsizlik