31°
Kechasi 18°
2014-yilgi Qrim voqealaridan keyin SWIFT xalqaro moliya tizimi siyosiy bosim ostida harakat qilishdan bosh tortishini, lekin Yevropa qonunlariga bo‘ysunishini ta’kidlagan. Bu haqda “Reuters” xabar berdi.
Qayd etilishicha, SWIFT Yevropa Ittifoqi, Buyuk Britaniya, AQSh va Kanadaning sanksiyalariga muvofiq Rossiya banklarini yopishga tayyorlanayotganini ma’lum qilgan.
“Biz Yevropa rasmiylari bilan yangi chora-tadbirlar qo‘llanadigan tashkilotlar haqida ma’lumot olish uchun ishlayapmiz va ularga huquqiy ko‘rsatmalarga muvofiq amal qilishga tayyorlanyapmiz”, – deyiladi SWIFT bayonotida.
Tizim rasmiylari bu neytral global kooperativ ekanligini taʼkidlagan. Uning aʼzolari 200 ta davlatni ifodalaydi, biroq SWIFT roʻyxatdan oʻtgan Yevropa Ittifoqi va Belgiya qonunlariga boʻysunishi shart.
Ma’lum qilinishicha, Rossiyani SWIFT tizimidan uzish masalasi 2014-yilda Qrim Rossiyaga qo‘shib olinganidan keyin ham ko‘tarilgan edi. O‘shanda SWIFT maxsus bayonot bilan chiqqan: ya’ni siyosiy bosim natijasida hech qanday moliyaviy institutlarni yopish bo‘yicha bir tomonlama qarorlar qabul qilinmasligini ta’kidlangan.
SWIFT’dan uzilish Rossiyaga qanday ta’sir qiladi?
“SWIFT’dan uzilish Rossiya savdosiga zarba bo‘lish aytilmoqda va bu RF kompaniyalarining biznes yuritishini qiyinlashtiradi”, – deya yozgan Reuters.
Ta’kidlanishicha, Rossiya xalqaro moliya tizimidan “quvib chiqarilmoqda”. SWIFT moliyaviy ma’lumotlar va hujjatlarni almashish uchun ishlatiladi. Agar Rossiya banklari SWIFT’dan uzilgach, chet el banklari bilan tranzaksiyani amalga oshirishi kerak bo‘lsa, u telefon va faksdan foydalanishga majbur bo‘ladi.
Shuningdek, G‘arb davlatlari bugun, 27-fevral kuni Rossiyaga qarshi yangi sanksiyalar bo‘yicha kelishib oldi. AQSh, Yevropa Ittifoqi davlatlari, Buyuk Britaniya va Kanada qo‘shma bayonot bilan chiqdi. Ular Rossiyadan banklarni SWIFT’dan o‘chirishga qaror qildi.
Bundan tashqari, mamlakatlar Rossiya bankiga cheklovlar qo‘yishga kelishib olgan. Xalqaro zahiralardan foydalanishga yo‘l qo‘ymaslik, uning operatsiyalarini “muzlatish” va rubl kursini ushlab turish qobiliyatini cheklashdan mahrum qilmoqchi.
Ittifoqchilar tomonidan investitsiya yo‘li bilan fuqarolik (“oltin pasportlar”) berish amaliyotini to‘xtatish va sanksiyalar qo‘llash bo‘yicha ishchi guruh tuzilgan. Ko‘rilgan barcha choralar yaqin kunlarda kuchga kirishi kutilmoqda.
Joriy yilning fevral oyi o‘rtalarida moliya vaziri Anton Siluanov Rossiyada moliyaviy ma’lumotlar almashinuvining boshqa usullari mavjudligi, masalan, Rossiya Banki tomonidan boshqariladigan Moliyaviy xabarlar tizimi (SPFS) haqida aytib o‘tgan edi. U G‘arbning Rossiyaga nisbatan sanksiyalar joriy etishiga tayyor ekaniga ishonchi komil ekanini ta’kidlagan edi.
Eslatib o‘tish mumkin, G‘arb davlatlari Moskvaning Donetsk va Lugansk xalq respublikalari mustaqilligini tan olishi, shuningdek, Ukrainadagi harbiy operatsiyaga javoban Rossiyaga qarshi qator yangi sanksiyalar joriy qilgan edi. AQSh Promsvyazbank keyinchalik VTB, Otkritie, Sberbank va Alfa-Bankka qarshi sanksiya joriy qildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
