“Manchester Siti” va O‘zbekiston terma jamoasi himoyachisi Abduqodir Husanov Angliya Premyer Ligasi 30-turidan o‘rin olgan “Vest Hem”ga qarshi uchrashuvda (1:1) asosiy tarkibda maydonga tushib, to‘liq harakat qildi.

Uchrashuvda Husanov 99 marta to‘p bilan muomala qildi. Himoyachi jami 85 ta uzatma amalga oshirdi, ularning 78 tasi aniq manzilga yetib bordi — 92 foiz aniqlik. U raqib futbolchilarini ikki marta muvaffaqiyatli aldab o‘tishga muvaffaq bo‘ldi. Sofascore portali o‘zbekistonlik futbolchining harakatlarini 6,7 ball bilan baholadi.

Abduqodir Husanovning himoyadagi harakatlari:

Himoyaviy harakatlar — 7 marta;

Raqib hujumini qaytarib qolish — 1 marta;

To‘pni qaytarib olish — 6 marta;

Tozalash — 6 marta;

Yerda kurashlar — 3 marta (2 tasi muvaffaqiyatli);

Havodagi kurash — 5 marta (3 tasi muvaffaqiyatli).

Ushbu bahsdan so‘ng “Manchester Siti” turnir jadvalida 61 ochko bilan ikkinchi pog‘onani egallab turibdi. Pep Gvardiola shogirdlari “karvonboshi” “Arsenal”dan to‘qqiz ochkoga ortda qolmoqda. Shuningdek, “shaharliklar” hisobida bitta qo‘shimcha o‘yin ham mavjud.

• Abduqodir Husanov
• Angliya
• Futbol
• Manchester Siti