Kecha, 17-sentabr kuni “Tesla” kompaniyasi ish boshlaganidan buyon besh millioninchi elektromobil ishlab chiqarilayotganini e’lon qildi. Bu voqea “Tesla”ning to‘rt millioninchi elektromobili mart oyi boshida butun dunyo bo'ylab avtomobil ishlab chiqaruvchi zavodlarida chiqarilganidan olti oy o'tib sodir bo'ldi.

Qayd etish mumkin, Ilon Mask boshqaruvidagi kompaniya 2008-yilda Britaniyaning “Lotus Elise” sport avtomobili negizida “Tesla Roadster” birinchi elektr kobrialetni omma e’tiboriga havola etdi va 12 yildan so‘ng, 2020-yil mart oyida o‘zining bir millioninchi elektromobilini ishlab chiqardi.

Uch yildan so‘ng “Tesla” AQSh, Gollandiya, Shanxay va Berlindagi zavodlarida yana 3 millionta elektromobil ishlab chiqardi.

Yangi quvvatlarning ishga tushirilishi tufayli kompaniya 2022-yilda 3 millionga qo‘shimcha ravishda yana 1 million avtomobil ishlab chiqarish uchun bor-yo‘g‘i yetti oy vaqt kerak bo‘ldi.

Hozirda Tesla yiliga ikki millionga yaqin elektromobil ishlab chiqarishi mumkin, jumladan yangi “Tesla Semi” yuk mashinalariga ham katta umid bog‘langan. Kompaniya rahbariyati xodimlar oldiga butun dunyo bo‘ylab ishlab chiqarish hajmini yiliga 20 million avtomobilgacha oshirish vazifasini qo‘ygan. Bunga erishish uchun “Tesla”ga taxminan 12 gigafabrika kerak bo‘ladi. Kompaniyaning yangi filiallarini Meksikada qurish rejalashtirilmoqda. Har bir yangi korxonani ishga tushirish uchun qurilish boshlanishidan to elektromobillarni ommaviy ishlab chiqarishgacha bir necha yil kerak bo‘ladi.

• Ilon_Mask
• Tesla
• texnologiya