"Tesla" elektrokarlari egalari ijtimoiy tarmoqlarda ommaviy ravishda shikoyat qildilar, buning boisi avtomobilni smartfon orqali boshqarishga mo‘ljallangan ilova bir muddat ishlamay qolgan. Ko‘pchilikning qo‘lida avtomobilning oddiy kaliti yo‘qligi bois, avtomobilni yoqish u yoqda tursin, ilova orqali eshiklarni ochishning ham iloji bo‘lmagan. Kompaniya rahbari Ilon Mask voqea yuzasidan uzr so‘radi.
O‘tgan juma kuni, 19-noyabr sanasida ijtimoiy tarmoqlarda Tesla ilovasi yuzasidan shikoyatlar ko‘paydi. "Men ishdan so‘ng bir soatlar atrofida qolib ketdim, chunki odatda mashinani ilova orqali yoqardim" – degan "Twitter" foydalanuvchilaridan biri.
Kompaniya asoschisi Ilon Mask shaxsan o‘zi Janubiy Koreyadan bo‘lgan avtomobil egasining tvitiga javob bergan. Bir muddat o‘tib, u muammo hal qilingani va bu holat boshqa bo‘lmasligi haqida yozgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!