“Tolibon” bu harakatni “javob operatsiyasi” deb atadi. Kobul Pokiston Afg‘oniston havo hududini buzganini va payshanba kuni mamlakat hududidagi bozorlardan birini bombardimon qilganini da’vo qilmoqda.

Pokiston ichki ishlar vaziri Muhsin Naqviy Afg‘onistonni tinch aholiga qarata o‘q uzishda aybladi. U Pokiston Qurolli kuchlari “Tolibon” tomonidan berilgan zarbalarga javob qaytarishidan ogohlantirdi.

Shu bilan birga, Islomobod Kobulni Pokistonda hujumlar uyushtirayotgan terrorchilarni o‘z hududida yashirayotganlikda ayblamoqda. “Tolibon” esa bu ayblovlarni rad etmoqda.

BBC ma’lumotiga ko‘ra, Afg‘onistonning Nangarhor, Helmand va Kunar viloyatlarida hamda Pokistonning Kurram va Chitral tumanlarida o‘qotar qurol va artilleriyadan foydalanilgan. Har ikki tomondan qurbonlar va jarohatlanganlar borligi xabar qilinmoqda, ammo ularning soni ochiqlanmagan.

• Afg‘oniston
• Chegara
• Pokiston