Buyuk Britaniya kinoijodkorlari tomonidan yaratilgan “Tabu” serialining nihoyat ikkinchi fasli suratga olinadi. Ikkinchi mavsumni ishlab chiqarish 2023 yilda boshlanadi va asosiy rolni ijro etgan Tom Xardi loyihaga qo‘shiladi. Bu haqda filmning ssenariy muallifi Stiven Nayt ma’lum qildi.

“Tom va men hikoyani davom ettirishga qaror qildik va biz bu yo‘nalishda harakat qilishimizni xohlaydigan ko‘p odamlar bor. Bu shunchaki jadval va keyingi qayerga borishni hal qilish masalasi edi”, – dedi Nayt.

“Tabu”dagi voqealar XIX asr boshlarida bo‘lib o‘tadi va unda Xardi ijro etgan – sirli shaxs Jeyms Deleyni haqida hikoya qilinadi. 

Afrikada 10 yil yashagach, uning qahramoni o‘n to‘rtta o‘g‘irlangan olmos bilan Londonga qaytib keladi va o‘z savdo imperiyasini qurish uchun “Ost Indiya” kompaniyasiga qarshi xavfli o‘yinga kirishadi.

Serialning birinchi fasli 2017 yilning boshida chiqqan. Ssenariy Tom Hardining o‘zi otasi bilan yozgan hikoyaga asoslangan bo‘lib, tanqidchilar va tomoshabinlar tomonidan ijobiy qabul qilingan.

• Britaniya
• Serial