“Toshkent shahrida elektr hisoblagichga tashqi ta’sir ko‘rsatib 7,5 mlrd so‘mlik elektr energiyasidan noqonuniy foydalangan MChJ aniqlandi”, – deya xabar bermoqda Elektr energiyasi, neft mahsulotlari va gazdan foydalanishni nazorat qilish inspeksiyasi.

Xabarda aytilishicha, Yashnobod tumanida joylashgan “K.I.” MChJ mas’ullari elektr hisoblagichga tashqi ta’sir ko‘rsatib, elektr energiyasidan noqonuniy foydalanganligi aniqlangan.

Ushbu qoidabuzarlik natijasida elektr ta’minoti korxonasiga 7 mlrd 528 mln so‘mlik zarar yetkazgan.

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborilgan.

• Elektr energiyasi
• Toshkent