Nyu-York sudyalar hay’ati AQShning sobiq prezidenti Donald Trampni jurnalist va yozuvchi Jan Kerrolni zo‘rlashga urinishda aybdor, deb topdi. Bu haqda CNN nashri xabar bermoqda.

Hakamlar hay’ati siyosatchi 1996-yilning bahorida Kerrollni haqorat qilgan, biroq u ayblangan zo‘rlashni amalga oshirmagan, deb qaror qildi.

Sud Trampga fuqarolik da’vosi doirasida ta’qiblar uchun 2 million dollar tovon to‘lashga majbur qildi. Bundan tashqari, siyosatchi Kerrollga tuhmat qilgani va uning obro‘siga putur yetkazgani uchun yana 3 million dollar o‘tkazishi kerak bo‘ladi.

Tramp yozuvchi Jeyn Kerrollning zo‘rlangani haqidagi ayblovlarni yolg‘on deb atadi.

“Men buni katta hurmat bilan aytaman – u mening tipim emas”, – deydi Tramp.

Eslatib o‘tamiz, 2016-yilda ham 11 ayol Trampni jinsiy zo‘ravonlikda ayblagan. Siyosatchi ayblovlarni prezidentlik saylovlaridagi raqibi, Demokratik partiyadan nomzod Xillari Klinton manfaatlaridan kelib chiqqan holda uydirma, deb atagan edi.

• AQSh
• Tramp