Bu haqda Bosh prokuratura matbuot kotibi Hayot Shamsutdinov Xabardor.uz’ga ma’lum qildi.

Joriy yilning 18-fevral kuni soat 11:50 larda Qo‘qon shahar prokuraturasiga shahar IIB Navbatchilik qismidan berilgan xabarga ko‘ra, Qo‘qon shahar IIB 1-son XPB profilaktika inspektori J.Maxmudovga voyaga yetmagan O‘.O‘tkirov tomonidan tan jarohati yetkazilganligi haqida xabar kelib tushgan.

Aniqlanishicha, Qo‘qon shahar, “Sadoqat” MFY, Birlik ko‘chasi, 57-uyda yashovchi, 10.01.2010-yilda tug‘ilgan voyaga yetmagan O‘.O‘tkirov o‘zining yashash xonadoniga fuqaro M.Rasulovaning (gumondorning buvisi) chaqiruvi asosida borgan Qo‘qon shahar 1-son IIB “Sadoqat” MFY profilaktika inspektori J.Maxmudov bilan yashash xonadonining oshxonasida o‘zaro janjallashib, janjal davomida voyaga yetmagan O‘.O‘tkirov profilaktika inspektori J.Maxmudovning ortiga qarab turganligidan foydalanib, unga tan jarohati yetkazish maqsadida stolda bo‘lgan oshxona pichog‘i bilan profilaktika inspektori J.Maxmudovning ko‘krak qafasi orqa chap tomoniga bir marotaba urib, tan jarohati yetkazgan.

RSTEIAMFF Qo‘qon tumanlararo bo‘linmasi tomonidan berilgan dastlabki ma’lumotnomasida J.Maxmudovga dastlabki “ko‘krak qafasi chap yarmi orqa sohasi sanchilgan-kesilgan, plevra bo‘shlig‘iga teshib o‘tgan jarohati, chap tomonlama gemopnevmatorks, tashqi va ichki qon ketish” tashxisi qo‘yilgan.  

Mazkur holat yuzasidan 18.02.2026-yilda voyaga yetmagan J.Maxmudovga nisbatan O‘zbekiston Respublikasi JKning 104-moddasi 2-qismi “b” bandi bilan bilan jinoyat ishi qo‘zg‘atilib, JPKning 221-moddasi tartibida ushlandi. 

Hozirda jinoyat ishi yuzasidan Qo‘qon shahar prokuraturasi tomonidan dastlabki tergov harakatlari olib borilmoqda.

• Bosh prokuratura
• Farg‘ona