“Donald Tramp o‘z maxsus vakili Kit Kellogga Ukraina masalasini 100 kun ichida hal qilishni topshirdi. Kellog buni uddalay olishiga deyarli hech kim ishonmayapti. Tramp Kellogga shunday vazifa yuklagan bo‘lsa-da, Ukrainadagi muzokaralar jarayonini shaxsan o‘zi nazorat qilishni rejalashtirmoqda”, – deb yozmoqda The Wall Street Journal.

Nashrga ko‘ra, Rossiya bilan kelishuvga erishish va urushni to‘xtatish Tramp tasavvur qilganidan ko‘ra ancha murakkab vazifa hisoblanadi.

“Tramp ma’muriyati Ukrainadagi urushni bir yo‘la tugatishni maqsad qilgan. Amerika ushbu mojaroni yakunlash uchun qo‘lidan kelgan barcha ishni qiladi”, — degan AQSh Davlat kotibi Marko Rubio.

Avvalroq, Trampdan prezidentlikka kirishgach Ukrainadagi urushni bir sutka ichida tugatish va’dasi haqida so‘rashganda, u endi yarim kun o‘tganligi va yana yarim kun vaqti borligi, ulgurishga harakat qilishini aytgan edi.

Ma’lumot uchun, bugun, 22-yanvar Tramp AQSh prezidentligidagi ikkinchi ish kunini o‘tkazmoqda.

• AQSh
• Rossiya
• Tramp
• Ukraina