“AQSh Kongressi Kiyevga yordam berish to‘g‘risidagi qonunni o‘zgartirishga harakat qilmoqda, shundan so‘ng Tramp lavozimga kirishib, uni bekor qila olmaydi”, – deya yozmoqda The Hill nashri. Agarda ushbu qonun qabul qilinsa, prezident doimiy ravishda Ukraina uchun harbiy va iqtisodiy yordam ko‘rsatishga majbur bo‘ladi.

“Bu Trampning hokimiyat tepasiga kelishi va Respublikachilar partiyasining Kongress ustidan to‘liq nazorati tufayli xavf ostida qolgan yordamni himoya qilishga urinishdir”, — deyiladi xabarda.

Tramp uch haftadan so‘ng Oq uyga qaytishi kutilmoqda.

Eslatib o‘tamiz, joriy yilning 5-noyabr kuni AQShda o‘tkazilgan prezident saylovlarida mamlakatni keyingi 4 yil mobaynida boshqaradigan navbatdagi prezident nomi aniq bo‘lgan edi.

• AQSh
• Kongress
• Tramp