Isroil Bosh vaziri xalqqa murojaatida Qo‘shma Shtatlar rahbari Donald Trampga Erondagi yadroviy obyektlarga berilgan zarbalar uchun minnatdorchilik bildirgan.

Netanyaxuga ko‘ra, 13-iyun kuni Eronga qarshi operatsiya boshida u yadroviy obyektlar qanday bo‘lmasin yo‘q qilinishiga va’da bergan va bu va’da bajarilgan.

Isroil bosh vazirining ta’kidlashicha, AQSh zarbalarni Isroil mudofaa armiyasi (SAXAL) bilan to‘liq muvofiqlikda amalga oshirgan. Netanyaxuning aytishicha, Tramp zarbalardan so‘ng darhol unga qo‘ng‘iroq qilgan, bu suhbat “juda samimiy va ta’sirli” bo‘lgan.

Netanyaxu Trampning Eronga zarba berish to‘g‘risidagi “jasoratli qarori” tarixni o‘zgartirganini qayd etgan.

Shuningdek, u AQSh prezidentining ushbu qarori “Yaqin Sharqqa barqarorlik olib kelishi”ga ishonishini bildirgan.

• AQSh
• Binyamin Netanyaxu
• Isroil
• Tramp