Anqara G‘arb davlatlarining Rossiya va uning prezidenti Vladimir Putinga qarshi sanksiyalar joriy etishini qo‘llab-quvvatlamaydi. Bu haqda Turkiya prezidenti Rajab Toyyib Erdo‘g‘on Sivas viloyatidagi mitingda so‘zlagan nutqida aytib o‘tdi.

Erdo‘g‘onning bayonoti davlat rahbari lavozimiga nomzod va Respublika Xalq partiyasi (RXP) yetakchisi Kamol Qilichdoro‘g‘luning hokimiyatga kelsa, Moskvaga nisbatan qattiq sanksiyalar qo‘llashga va’da bergan bayonotiga javoban bildirildi.

Turkiya rahbari, shuningdek, rossiyalik mavqedoshi Vladimir Putin bilan ijobiy aloqalarni davom ettirayotganini ta’kidladi.

“Janob Kamol (Qilichdoro‘g'lu) janob Putin bilan yaxshi munosabatda bo'lganimdan xursand emas. U: “G‘arbning buyrug‘iga bo‘ysunaman, Putinga sanksiya qo‘yaman”, deydi. Siz siyosatni mutlaqo tushunmaysiz, janob Kamol, ta’tilga chiqing”, – dedi Erdo‘g‘on.

Uning qo‘shimcha qilishicha, ushbu omil tufayli Turkiya Rossiya va Ukraina o‘rtasida vositachi bo‘la oladi.

Bundan tashqari, Turkiyaning amaldagi rahbari Anqaraning Rossiya, AQSh va boshqa G‘arb davlatlari, shuningdek, Xitoyga nisbatan siyosatida ijobiy munosabatni saqlash tarafdori ekanini ta’kidladi.

• Erdogʻan
• Putin
• Rossiya
• Sanksiya
• Turkiya