Twitter Meta korporatsiyasini Twitter’ga raqobatchi sifatida ko‘riladigan Threads yangi ijtimoiy tarmog‘ini ishga tushirgani uchun sudga berishi mumkin. Bu haqda Semafor portali xabar berdi.

Ta’kidlanishicha, 6-iyul kuni yangi onlayn-platforma ishga tushirilganidan koʻp oʻtmay, Twitter vakili Quinn Emanuel advokati Aleks Spiro Meta bosh direktori Mark Sukerbergga korporatsiyani oʻzining yangi mahsulotida Twitter’ning intellektual mulkidan foydalanganlikda ayblab maktub yoʻlladi.

Xususan, Spironing ma’lum qilishicha, kompaniya o'tgan yili Ilon Mask tomonidan sotib olinganidan keyin kompaniyadagi qisqartirishlar paytida Meta hali ham tijorat siri bo'lgan ma'lumotlarga ega bo'lgan o'nlab Twitter xodimlarini ishchi sifatida o‘ziga yollagan.

“Twitter o‘zining intellektual mulk huquqlarini qat’iy ta’minlash niyatida va Meta’dan Twitter’ning tijorat siri bo‘lgan har qanday ma’lumotdan foydalanishni to‘xtatish uchun zudlik bilan choralar ko‘rishni talab qiladi”, deyiladi maktubda.

• Facebook
• Ilon_Mask
• Meta
• Twitter