G‘azoda o‘t otishni to‘xtatish talabi bilan bir guruh faollar Vashington Kongress binosiga bostirib kirishdi. Bu haqda Anadolu agentligi xabar berdi.

Qayd etilishicha, unda “Mennonit Action” harakati a’zolari aksiya uyushtirib, G‘azoni qo‘llab-quvvatlovchi shiorlar aytishgan.

Shundan so‘ng, politsiya 150 nafar namoyishchini hibsga olgan.

Vashington politsiyasi bu holatni Kongress binosida mitinglar o‘tkazish taqiqlangani bilan izohladi.

“Kongress binolari ichida norozilik namoyishlariga yo‘l qo‘yilmaydi, shuning uchun faollar namoyishni to‘xtatishdan bosh tortgach, biz ularni hibsga olishni boshladik”, dedi politsiya.

Ayni damda isroilliklarning hujumlari natijasida qurbon bo‘lganlar soni 24,8 ming kishidan oshgan. Ularning aksariyati ayollar va bolalardir. Shuningdek, 61,1 mingdan ortiq aholi esa jarohat olgan.

• AQSh
• Falastin
• Isroil