Xakerlar “iPhone”ga “Quadream” josuslik dasturini yuqtirishning yangi usulidan foydalanmoqda. Ular internet foydalanuvchilariga zararli havolalarni oʻz ichiga olgan koʻrinmas kalendar taklifnomalarini yuborishadi.
Kalendar taklifnomalari qurilma ekranida koʻrinmaydi, lekin bildirishnoma markazida paydo boʻladi. “Quadream” foydalanuvchilarni “iPhone”ga oʻrnatishga harakat qiladigan saytga yoʻnaltiradi.
Qayd etilishicha, “Quadream” bu virusli qurilmadan kontaktlar, qoʻngʻiroqlar, xabarlar, fotosuratlar, joylashuv va hatto parollar kabi turli maʼlumotlarni toʻplashi mumkin boʻlgan josuslik dasturi.
Maʼlum boʻlishicha, xavfsizlik mutaxassislari bu hujumni aniqlashgan va xavf haqida ogohlantirishgan. Ular “iPhone” foydalanuvchilariga taqvim — (kalendar) takliflaridan ehtiyot boʻlishni va shubhali havolalarni ochmaslikni maslahat berishgan.
Shuningdek, ular oʻz qurilmalarini “Quadream” va boshqa tahdidlardan himoyani oʻz ichiga olgan “iOS”ning soʻnggi versiyasiga yangilashni tavsiya qilishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!