Davlatimiz rahbari IHT sammitida mazkur sammit aʼzosi boʻlgan Afgʻonistondagi bugungi murakkab vaziyat haqida alohida toʻxtalib oʻtdi.

“Ushbu mamlakat kun sayin ogʻir gumanitar inqirozga kirib bormoqda. Xalqaro hamjamiyat, jumladan, yaqin qoʻshnilar yordamisiz afgʻon xalqi yakka holda bu qiyin sinovlardan oʻta olmaydi.

Shu bois afgʻon xalqiga zarur yordam koʻrsatish boʻyicha saʼy-harakatlarni birlashtirish va umumiy yondashuvlarni ishlab chiqishimiz kerak.

Shuningdek, Afgʻoniston bilan mintaqaviy ahamiyatga ega boʻlgan yirik savdo, transport va energetika loyihalarini amalga oshirish ishlarini izchil davom ettirish tarafdorimiz”, — dedi Shavkat Mirziyoyev.

• Afg‘oniston
• Mirziyoyev
• Prezident