XAMASning harbiy qanoti hisoblangan “Al-Qassam” brigadalari yana to‘rt nafar isroillik mahbuslarni ozod qildi.

“Al-Qassam” brigadalari 25-yanvar, shanba kuni quyidagi ayol harbiy xizmatchilarni: Karina Ariyev, Daniel Gilboa, Naama Levi va Liri Elbagni ozod qildi”, – deyiladi tashkilot bayonotida.

Ommaviy axborot vositalarining yozishicha, Isroil buning evaziga 200 falastinlik asirlarni, jumladan, 121 nafar umrbodga qamalgan mahbuslarni ozod qilishi kutilmoqda.

Bu sulh bo‘yicha o‘zaro ikkinchi almashinuvdir. Birinchi almashinuvda XAMAS uch nafar isroillik ayolni ozod qilgan edi. Isroil esa bunga javoban 90 nafar falastinlik mahbusni qamoqdan ozod qilgan.

Ma’lumot uchun, 19-yanvar kuni Isroil va XAMAS Qatar, Misr va AQSh vositachiligida o‘t ochishni to‘xtatish bo‘yicha sulhga erishgan edi.

• Falastin
• Isroil
• Mahkum
• ozodlik