Genetika olimlari XIX asrda odamxo‘r sherlarning tishlaridan inson sochining tolalarini topdi. Tadqiqot natijalari “Current Biology” ilmiy jurnalida chop etildi.

“Ushbu kashfiyot DNK olish imkonini beruvchi yangi texnikani ishlab chiqish orqali amalga oshirildi. Tahlillarimiz shuni ko‘rsatdiki, Savo sherlari uchun jirafalar, antilopalar, yovvoyi hayvonlar, zebralar va odamlar o‘lja hisoblangan”, dedi Illinoys universiteti tadqiqotchisi Alida de Flaming.

Ma’lum bo‘lishicha, ikki yirtqich 1898-yilda Keniyadagi daryo yaqinidagi qurilish lagerida odamlarga hujum qilgan. Bu vaqt ichida ular kamida 28 kishining hayotiga zomin bo‘lgan. Hayvonlarni loyiha muhandisi Jon Genri Patterson otib tashlagan. 1925-yilda bir kishi hayvonlar qoldiqlarini muzeyga sotgan.

• Lifestyle
• Olimlar
• topilma