Farg‘ona shahridagi Prezident maktabi 11-sinf o‘quvchisi Otabek Komilov Doniyor o‘g‘li dunyoning eng nufuzli oliy ta’lim muassasalaridan biri — Mohammed Bin Zayed University of Artificial Intelligence universitetiga to‘liq grant asosida qabul qilindi.

MBZUAI — dunyoda sun’iy intellektga ixtisoslashgan birinchi universitet bo‘lib, QS xalqaro reytingiga ko‘ra AI yo‘nalishida dunyoning TOP-10 universitetlari safidan joy olgan. Universitet yiliga 45 000 AQSh dollari, 4 yil uchun jami 180 000 AQSh dollari miqdoridagi to‘liq grant ajratadi.

Otabek Komilov bugunga qadar quyidagi yutuqlarga erishgan:

- IELTS — 7 ball;

- AMC (Amerika matematika olimpiadasi) — milliy bosqich oltin medal;

- SEAMO (Janubi-Sharqiy Osiyo matematika olimpiadasi) — milliy bosqich oltin medal;

- V2E nomli sun’iy intellekt loyihasi asoschisi.

• Dunyo
• Farg‘ona
• Grant
• O‘quvchi
• Universitet