2023-yilda Yaponiyada 731 mingga yaqin bola dunyoga kelgan. Milliy aholini tadqiq qilish instituti esa 2023-yilda 739 ming bola tug‘ilishini va tug‘ilishning umumiy koeffitsiyenti 1,23 ni tashkil etishini prognoz qilgandi.

Shuningdek, davlatda tug‘ilish darajasining pasayishi ketma-ket sakkizinchi yil davom etmoqda. Bu haqda “Nikkei Asia” xabar berdi.

Qayd etilishicha, oilalarda farzandlar sonining kamayishi COVID-19 pandemiyasi davrida nikohlar sonining kamayishi bilan ham bog‘liq. Nikohlar 2020-yilda 12 foizga, 2021-yilda esa 5 foizga kamaydi. Hozirda Yaponiyada avvalgi yillarga nisbatan tug‘ilishdan ko‘ra, o‘lim holatlari ko‘proq qayd etilmoqda.

2023-yil bahorida Yaponiya Sog‘liqni saqlash vazirligi 2022-yilda mamlakatda bolalar rekord darajada kam tug‘ilgani haqida xabar bergandi. Yangi tug‘ilgan chaqaloqlar soni 799 728 taga qisqargan, bu 2021-yilga nisbatan 5,1 foizga kam.

• Bola
• Yaponiya
• tug'ilish