“O‘zenergoinspeksiya” Toshkent shahar hududiy boshqarmasi, DXX, Bosh prokuratura, Ichki ishlar boshqarmasi va Iqtisodiy jinoyatlarga qarshi kurashish departamenti hamkorligida o‘tkazilgan nazorat tadbirida Yashnobod tumanida joylashgan “K.Y.A.” MChJga qarashli metallni qayta ishlash zavodining elektr hisoblagichiga tashqi ta’sir ko‘rsatilib, elektr energiyasidan noqonuniy foydalanilganligi aniqlangan.

Bu haqda Energetika vazirligi axborot xizmati ma’lum qildi.

“Dastlabki hisob-kitoblarga ko‘ra, ushbu qoidabuzarlik natijasida davlat manfaatlariga 26 mlrd 945 mln so‘mlik zarar yetkazilganligi ma’lum bo‘ldi. Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi”, – deyiladi vazirlik xabarida.

• Elektr energiyasi
• Qoidabuzarlik
• Yashnobod tumani
• zavod