Yevropa Ittifoqining O‘zbekistondagi elchisi Toyvo Klaar akademik F. N. Rusanov nomidagi Toshkent botanika bog‘iga tashrif buyurib, ushbu noyob joyda amalga oshirilayotgan obodonlashtirish ishlari bilan tanishdi.

Bu yil Yevropa Ittifoqi mintaqadagi eng yirik tabiiy bog‘lardan biri bo‘lgan Toshkent botanika bog‘ini rivojlantirishda texnik yordam ko‘rsatdi. Toshkentning qoq markazida joylashgan ushbu bog‘ o‘z tashrif buyuruvchilariga beshta qit’a — Markaziy va Sharqiy Osiyo, uzoq Sharq, Yevropa va Shimoliy Amerika florasi bilan tanishish uchun noyob imkoniyatni taqdim etadi. Bog‘ kolleksiyasida 4500 dan ortiq daraxt, gul va o‘simlik turlari mavjud.

Yevropa Ittifoqi Toshkent botanika bog‘i bilan hamkorlikni davom ettirishga, Yevropa va O‘zbekiston o‘rtasidagi aloqalarni mustahkamlashga, shuningdek, atrof-muhitni muhofaza qilish va madaniy almashinuv sohasida umumiy maqsadlarga erishishga qaratilgan jamoat kampaniyalarini tashkil etishga intilmoqda.

• Botanika bog‘i
• Yevropa Ittifoqi