Shu kunlarda Bahrayn poytaxti Manama shahri sport kurashlari boʻyicha U-15 hamda U-20 Osiyo chempionati bahslariga mezbonlik qilmoqda.

1 kun avval 20 yoshgacha boʻlgan yunon-rum kurashchilar oʻrtasidagi bellashuvlarda hamyurtlarimizdan 4 nafari shohsupaga koʻtarilishdi.

-77 kg vazn toifasidagi kurashchimiz Samandar Bobonazarov eronlik Maʼsud Ali Akbar Gafini atigi 30 soniya ichida sof gʻalaba bilan magʻlubiyatga uchratib, Osiyo chempioni degan sharafli nomga sazovor boʻldi.

Shuningdek, -87 kg vazn toifasida kurashgan sportchimiz Azamatjon Abdubannobov hamda

-130 kg vazndagi Temurbek Nasimovlar kumush, -55 kg vazndagi vakilimiz Alisher Gʻaniyev esa bronza medalini qoʻlga kiritishdi.

Shu tariqa, Oʻzbekiston yunon-rum kurashchilari Osiyo chempionatining ilk kunida 1 ta oltin, 2 ta kumush va 1 ta bronza medaliga ega chiqishdi.

• Kurash
• O‘zbekiston