Turinliklar “Barselona” futbolchisiga ko‘z tikkan.

“Yuventus” “Barselona”dan Memfis Depay transferi bo‘yicha muzokaralarni qayta boshlashga tayyor.

Diario Sport xabariga ko‘ra, Italiya klubi allaqachon Depay transferi bo‘yicha muzokaralarni qayta boshlashga qiziqish bildirgan. Memfisning “Yuventus”ga o‘tishi o‘tgan yozda amalga oshmay qolgandi.

“Yuventus” rahbariyati Chempionlar ligasidan chiqib ketganidan so‘ng tarkibni kuchaytirishni maqsad qilgan, klubning fikricha, bu mavsumni saqlab qola oladi. “Yuventus” mavsum yakunida kuchli 4talikka kirish uchun hamma narsaga tayyor.

Depay bu mavsumda “Barselona”da deyarli o‘ynamadi. “Yuventus” boshqa klublar bilan raqobatlashmaslik uchun uning transferini imkon qadar tezroq tashkil qilmoqchi.

O‘tgan yozda Depay “Yuventus”dan yiliga 7 million yevrolik shartnoma talab qilgandi. O‘shanda klub unga bunchalik maosh berishga tayyor emas edi, ammo endi “Yuventus” unga shunday maosh bilan shartnoma taklif qilishi mumkin.

28 yoshli hujumchi joriy mavsumda “Barselona” safida barcha turnirlarda uchta o‘yinda 131 daqiqa maydonga tushdi va bitta gol urdi.

• Barselona
• Futbol
• Memfis Depay
• Transferlar
• Yuventus