Yurtimizda kuz nafasi esmoqda.
Ushbu mavsumda tabiat bir oz sokin tortib, mahzun qiyofaga kiradi. Ayni shu damlarda suvlarning oqishida, qushlarning sayrashida o‘zgacha ma’no mujassam.

Daraxt shoxlaridan chirt-chirt uzilib ona zamin bag‘riga singib ketayotgan xazonlar kechagina yam-yashil barg bo‘lib, shoxlarda ko‘kka talpinayotgan edi. Bugun esa uning umri tugab, yana tuproqqa aylanmoqda.

Mana shunday kezlarda kuz nafasi aks etgan bog‘u-rog‘larda, xiyobonlarni kezib, xayol surishning o‘zgacha gashti bor. Ajablanarlisi, bunday damlarda inson o‘zi bilan o‘zi suhbatlashadi, xotiralarini birma-bir sarhisob qiladi.

Kuz yangi rejalar, yangi umidlar davri.

Ko‘chada sayr qilar ekansiz, beixtiyor bolalik davringizga tushib qolasiz.

Tanho qolgingiz va xotiralar og‘ushiga cho‘mgingiz keladi.

Kuz xotirjamlik fasli.

Faqat kuzda to‘kilgan yaproqlarning shitirlashidan qalbingiz to‘lqinlanadi.

Ruhiyatingiz va qalbingiz atrofdagi go‘zallikdan bahramand bo’lish fasli.

Yuragingizga quloq solishni o‘rgatuvchi fasl bu – kuz.

Dildora Mamanova, jurnalist.
Ziyodaxon G‘ulomova, fotomuxbir.