Тошкент шаҳрида ҳаво ўзгарувчан булутли бўлади. Айрим жойларда қисқа муддатли ёмғир ёғиши мумкин. Кундузи 24–26°, кечаси 17–19° илиқ бўлиши кутилмоқда.

 Тошкент вилоятида ҳам вақти-вақти билан ёмғир ёғади, айрим ҳудудларда момақалдироқ кузатилиши мумкин. Ҳарорат кундуз куни 23–28° атрофида бўлади.

 Самарқанд, Жиззах ва Сирдарё вилоятларида булутли об-ҳаво сақланиб туради. Баъзи жойларда кучли шамол ҳам кузатилиши мумкин. Ҳарорат 25–30° гача етади.

 Қашқадарё ва Сурхондарё вилоятларида куннинг иккинчи ярмида қисқа муддатли ёмғир ёғиши эҳтимоли бор. Ҳаво ҳарорати 30–35° атрофида бўлади.

 Фарғона водийси — Андижон, Наманган ва Фарғонада ҳаво бироз салқинроқ бўлади. Айрим ҳудудларда ёмғир ёғиши мумкин. Ҳарорат 24–29° оралиғида кузатилади.

 Навоий ва Бухоро вилоятларида шамол кучайиши мумкин. Об-ҳаво асосан қуруқ бўлиб, ҳарорат 30–33° гача кўтарилади.

 Хоразм вилояти ҳамда Қорақалпоғистонда ёғингарчилик кутилмайди. Ҳаво қуруқ ва иссиқ бўлади. Кундуз куни 32–35° иссиқ кузатилади.

Республиканинг айрим ҳудудларида кучли шамол ва қисқа муддатли ёмғир сабаб эҳтиёткор бўлиш тавсия этилади.